Азийн спортын XV наадам "Доха 2006"
Азийн XV наадам Катарын нийслэл Доха хотноо 2006 оны арванхоёрдугаар сарын 1-15-ны өдрүүдэд болов. Наадамд Азийн олимпын зөвлөлийн 45 улс бүгд оролцсон нь түүхэн дэх анхны тохиолдол байлаа. Мөн наадмыг Eurosport суваг шууд дамжуулан үзүүлснээр тивээсээ хальж, дэлхий нийтийн анхаарлыг татах болжээ.
Наадмыг нийт 21 спортын байгууламжид явуулсан бөгөөд үүний ихэнхийг шинээр босгосон байна. Азийн наадмын хөтөлбөрт шатар болон триатлоны спорт анх удаа багтав.
Арванхоёрдугаар сарын 7-ны өдөр БНСУ-ын морин спортын тамирчин Ким Хьюн-Чил саадан дээгүүр харайж байгаад мориндоо дарагдан хүнд гэмтэл авсан. Түүнийг тэр даруй эмнэлэгт хүргэсэн ч гэмтлээ даалгүй нас барсан юм. Тухайн үед бороо орж, зам халтиргаатай байсан нь морь саадан дээгүүр харайж чадалгүй унах үндэс болсон байна. Хүзүүгээрээ дарж унасан морь нь бас удалгүй амьсгал хураасан юм. Азийн наадмын тэмцээн уралдааны үеэр хүн нас барсан анхны тохиолдол нь энэ болжээ.
Багийн дүнгээр урьдын адил БНХАУ, БНСУ, Япон эхний гурван байрыг эзэлж, зохион байгуулагч Катар 9 алтан медальтайгаар есдүгээр байрт оров.
Манай улс тус наадамд байт харваа, бадминтон, буудлага, бокс, волейбол, гимнастик, дугуй, жүдо, каратэ, кю спорт, морин спорт, сагсан бөмбөг, софт теннис, теннис, таеквондо, триатлон, усан спорт, үшү, хөнгөн атлетик, хүндийн өргөлт, шатар, ширээний теннис, элсний волейбол, чөлөөт бөх гэсэн спортын 24 төрөлд 177 тамирчны нүсэр бүрэлдэхүүтэй оролцов. Улмаар хоёр алт, таван мөнгө, найман хүрэл, нийт 15 медаль хүртсэн амжилтаар 21-р байрт бичигдсэн юм. Монголын багийн тугч Х.Цагаанбаатар болон Д.Нямхүү нар алтан медалийн эзэд болов.
Монголын багийн медальтнууд
№ | Нэрс | Төрөл | Хүйс | Ангилал | Амжилт |
1 | Х.Цагаанбаатар | жүдо | эр | 66 кг | алт |
2 | Д.Нямхүү | жүдо | эр | 81 кг | мөнгө |
3 | З.Энхзориг | бокс | эр | 57 кг | мөнгө |
4 | У.Мөнх-Эрдэнэ | бокс | эр | 60 кг | мөнгө |
5 | Д.Цэрэнханд | жүдо | эм | нэмэх 78 кг | мөнгө |
6 | Д.Цэрэнханд | жүдо | эм | үнэмлэхүй | мөнгө |
7 | М.Бундмаа | жүдо | эм | 52 кг | мөнгө |
8 | П.Лхамдэгд | жүдо | эм | 78 кг | хүрэл |
9 | Ц.Энхжаргал | чөлөөт бөх | эм | 48 кг | хүрэл |
10 | Н.Отгонжаргал | чөлөөт бөх | эм | 55 кг | хүрэл |
11 | Б.Одончимэг | чөлөөт бөх | эм | 63 кг | хүрэл |
12 | О.Бурмаа | чөлөөт бөх | эм | 72 кг | хүрэл |
13 | Э.Бадар-Ууган | бокс | эр | 54 кг | хүрэл |
14 | Б.Батзориг | чөлөөт бөх | эр | 66 кг | хүрэл |
15 | О.Гүндэгмаа, Ц.Мөнхзул, Г.Хэрлэнцэцэг | спорт гар буу | эм | баг | хүрэл |
Медаль хүртсэн орнууд
№ | Улсын нэрс | Алт | Мөнгө | Хүрэл | Нийт |
1 | БНХАУ | 165 | 88 | 63 | 316 |
2 | БНСУ | 58 | 52 | 83 | 193 |
3 | Япон | 50 | 72 | 78 | 200 |
4 | Казахстан | 23 | 20 | 42 | 85 |
5 | Тайланд | 13 | 15 | 26 | 54 |
6 | Иран | 11 | 15 | 22 | 48 |
7 | Узбекистан | 11 | 14 | 15 | 40 |
8 | Энэтхэг | 10 | 17 | 26 | 53 |
9 | Катар | 9 | 12 | 11 | 32 |
10 | Тайвань | 9 | 10 | 27 | 46 |
11 | Малайз | 8 | 17 | 17 | 42 |
12 | Сингапур | 8 | 7 | 12 | 27 |
13 | Саудын Араб | 8 | - | 6 | 14 |
14 | Бахрейн | 7 | 9 | 4 | 20 |
15 | Хонконг | 6 | 12 | 11 | 29 |
16 | БНАСАУ | 6 | 8 | 15 | 29 |
17 | Кувейт | 6 | 5 | 2 | 13 |
18 | Филиппин | 4 | 6 | 9 | 19 |
19 | Вьетнам | 3 | 13 | 7 | 23 |
20 | АНЭУ | 3 | 4 | 3 | 10 |
21 | Монгол | 2 | 5 | 8 | 15 |
22 | Индонез | 2 | 4 | 14 | 20 |
23 | Сири | 2 | 2 | 2 | 6 |
24 | Тажикистан | 2 | - | 2 | 4 |
25 | Иордан | 1 | 3 | 4 | 8 |
26 | Ливан | 1 | - | 2 | 3 |
27 | Мьянмар | - | 4 | 7 | 11 |
28 | Кыргызстан | - | 2 | 6 | 8 |
29 | Ирак | - | 2 | 1 | 3 |
30 | Макао | - | 1 | 6 | 7 |
31 | Пакистан | - | 1 | 3 | 4 |
32 | Шри-Ланка | - | 1 | 2 | 3 |
33 | Лаос | - | 1 | - | 1 |
33 | Туркменистан | - | 1 | - | 1 |
35 | Непал | - | - | 3 | 3 |
36 | Афганистан | - | - | 1 | 1 |
36 | Бангладеш | - | - | 1 | 1 |
36 | Иемен | - | - | 1 | 1 |
Нийт | 428 | 423 | 542 | 1393 |