МҮОХ-ны зорилго

МОНГОЛЫН ҮНДЭСНИЙ ОЛИМПЫН ХОРООНЫ ЗОРИЛГО

• Монгол Улсад олимпын хөдөлгөөнийг хөгжүүлэх, хамгаалах, сурталчлан дэлгэрүүлэх
• Монгол Улсын нутаг дэвсгэрт Олимпын хартийн хэрэгжилтэд хяналт тавих
• Үндэсний олимпын академи, Олимпын музей, Олимпын хөдөлгөөний соёл, боловсролын хөтөлбөрийг хэрэгжүүлж, олон түмэнд түгээн дэлгэрүүлэх
• Спортын мэргэжилтэн, удирдах ажилтныг бэлтгэх, тэдний мэргэжлийг дээшлүүлэхэд анхаарах ба биеийн тамир, спортын салбарт спортын шинжлэх ухааны ололт, амжилтыг нэвтрүүлэх
• Тамирчдын спортын амжилтыг дээшлүүлэх, нийтийн биеийн тамирыг дэмжин хөгжүүлэх
• Спортод ялгаварлан гадуурхах, хүчирхийлэх хэлбэрийг эсэргүүцэх ба биеийн тамир, спортын хөгжилд саад учруулах аливаа сөрөг нөлөөллийн эсрэг идэвхтэй тэмцэх
• Дэлхийн допингийн эсрэг агентлагийн дүрмийг хүлээн зөвшөөрч хэрэгжүүлэхийн зэрэгцээ допингийн эсрэг МҮОХ-ны бодлого, дүрэм, гишүүнчлэл, санхүүжилтийн шаардлага болон үр дүнгийн журмыг Дэлхийн допингийн эсрэг агентлагийн дүрэмд нийцүүлэн боловсруулж, түүнд заасан ҮОХ-дын үүрэг хариуцлагыг сахин биелүүлэх
• ОУОХ-ны ёс зүйн дүрэм болон спортын байгууллагуудын сайн засаглалын үндсэн зарчмыг сахих
• Үндэсний хэмжээнд энхтайван, спорт ба эмэгтэйчүүдийг дэмжих үйл ажиллагааг өрнүүлэх, хүрээлэн буй орчны асуудалд онцгой анхаарал хандуулах
• МҮОХ-ны гишүүн биеийн тамир, спортын байгууллага болон спортын холбоодын үйл ажиллагаанд дэмжлэг, туслалцаа үзүүлэх
• Тамирчдад эрүүл мэндийн туслалцаа үзүүлэх, хамгаалах