"Bangkok 2005" Азийн танхимын наадам
Азийн танхимын болон тулааны спортын наадам
Азийн олимпын зөвлөлөөс олимпын наадмын хөтөлбөрт багтдаггүй хэрнээ тус тивд өргөн тархсан спортын төрлүүдийг хөгжүүлэх зорилгоор Азийн танхимын наадмыг 2005 онд анхлан зохиожээ. Тус наадмыг хоёр жилийн давтамжтай гурван удаа зохион байгуулсны эцэст Азийн тулааны наадамтай нэгтгэн Азийн танхимын болон тулааны спортын наадмыг 2013 оноос явуулах болсон юм. Тус наадам хамгийн сүүлд 2017 онд зохиогдсон бөгөөд дараагийнх нь 2023 онд Тайландын Бангкок, Чонбури хотуудад болно.
"Бангкок 2005" Азийн танхимын наадам
Азийн танхимын анхдугаар наадамд 37 орны 2343 тамирчин 120 багц медалийн төлөө өрсөлдлөө.
Наадмын хөтөлбөрт аэробик гимнастик, бүжгийн спорт, BMX дугуй, дугуйт тэшүүр, скэйтборд, спорт авиралт, футзал, заалны дугуй, муай-тай бокс, сепак текрау, усанд сэлэлт болон танхимын хөнгөн атлетикийн төрөл багтсан байна.
Багийн дүнгээр БНХАУ 24 алт, нийт 57 медальтайгаар тэргүүллээ. Казахстан тэдэнтэй ойрхон өрсөлдөж, дэд байрт орсон бол зохион байгуулагч Тайланд гуравласан байна. Нийт 26 улс ямар нэг медаль хүртжээ.
Монголчууд тус наадамд спортын гурван төрөлд найман тамирчны бүрэлдэхүүнтэй оролцсон ч хараахан медаль хүртэж чадсангүй.
Медаль авсан орнууд
| № | Улс | Алт | Мөнгө | Хүрэл | Нийт |
| 1 | БНХАУ | 24 | 19 | 14 | 57 |
| 2 | Казахстан | 23 | 15 | 6 | 44 |
| 3 | Тайланд | 18 | 21 | 34 | 73 |
| 4 | Хонконг | 12 | 9 | 5 | 26 |
| 5 | Энэтхэг | 7 | 3 | 8 | 18 |
| 6 | Узбекистан | 6 | 7 | 9 | 22 |
| 7 | Тайвань | 6 | 4 | 3 | 13 |
| 8 | Япон | 6 | 2 | 6 | 14 |
| 9 | БНСУ | 5 | 7 | 10 | 22 |
| 10 | Макао | 3 | 6 | 5 | 14 |
| 11 | Иран | 3 | 5 | 2 | 10 |
| 12 | Катар | 2 | 2 | 2 | 6 |
| 13 | Йордан | 1 | 1 | 4 | 6 |
| 14 | Индонез | 1 | 1 | 2 | 4 |
| 15 | Филиппин | 1 | - | 2 | 3 |
| 16 | Малайз | 1 | - | - | 1 |
| 17 | Сингапур | - | 6 | 4 | 10 |
| 18 | Лаос | - | 5 | 2 | 7 |
| 19 | Ирак | - | 3 | 3 | 6 |
| 20 | Кувейт | - | 2 | 3 | 5 |
| 21 | Вьетнам | - | 1 | 1 | 2 |
| 22 | Пакистан | - | 1 | - | 1 |
| 23 | Сири | - | 1 | - | 1 |
| 24 | Кыргызстан | - | - | 1 | 1 |
| 25 | БНАСАУ | - | - | 1 | 1 |
| 26 | Оман | - | - | 1 | 1 |
