"Phuket 2014" Азийн элсний IV наадам
Азийн элсний ээлжит наадам Тайландын хамгийн том арал дээрх үзэсгэлэнт хот Пукетэд явагдав. Уг нь наадмыг Филиппиний Аклан, Боракай арлуудад явуулахаар төлөвлөж байсан ч Азийн олимпын зөвлөл шийдвэрээ өөрчилж, Пукетэд эрхийг шилжүүлсэн юм.
Тайланд улс өмнө нь 1966, 1970, 1978, 1998 оны Азийн наадам, 2005 оны танхимын наадам, 2009 оны Тулааны спортын наадмыг зохион байгуулсан, энэ талын хур их туршлагатай улс юм.
Наадамд Азийн олимпын зөвлөлийн 45 орноос 42 нь тамирчнаа илгээлээ. БНАСАУ, Саудын Араб, Палестин улс наадмын гадна үлдэв.
Нийт 2335 тамирчин 26 спортын төрөлд 165 багц медалийн төлөө өрсөлджээ. Өмнөх наадамд 1336 тамирчин 49 багц медалийн төлөө өрсөлдсөнтэй харьцуулбал наадмын цар хүрээ үлэмж тэлсэн байна.
Багийн дүнгээр зохион байгуулагч Тайланд хол тасархай тэргүүлж, БНХАУ удаалав.
Монголчууд тус наадамд спортын найман төрөлд 36 тамирчны бүрэлдэхүүнтэй оролцож, 6 алт, 4 хүрэл медаль хүртсэн амжилтаар есдүгээр байрт бичигдэв.
Д.Төмөрхүлэг, Г.Түвшинжаргал, Т.Баттөгс, Д.Сайнбуян нар самбо бөхийн төрлөөр, Б.Буяндэлгэр, С.Батгал нар жюү-жицү бөхийн төрлөөр алтан медаль хүртсэн юм.
Түүнчлэн муай-тай боксын С.Мядагмаа, кураш бөхийн А.Давааням, жюү-жицүгийн О.Болд-Эрдэнэ болон самбо бөхийн холимог баг хүрэл медалийн эзэн боллоо.
Медаль авсан орнууд
| № | Улс | Алт | Мөнгө | Хүрэл | Нийт |
| 1 | Тайланд | 56 | 37 | 33 | 126 |
| 2 | БНХАУ | 16 | 11 | 21 | 48 |
| 3 | БНСУ | 9 | 14 | 14 | 37 |
| 4 | Иран | 9 | 14 | 8 | 31 |
| 5 | Вьетнам | 8 | 12 | 20 | 40 |
| 6 | Казахстан | 8 | 9 | 10 | 27 |
| 7 | Индонез | 7 | 7 | 14 | 28 |
| 8 | Япон | 7 | 5 | 7 | 19 |
| 9 | Монгол | 6 | - | 4 | 10 |
| 10 | Бахрейн | 5 | 2 | - | 7 |
| 11 | АНЭУ | 4 | 3 | 5 | 12 |
| 12 | Тайвань | 3 | 8 | 6 | 17 |
| 13 | Хонконг | 3 | 2 | 7 | 12 |
| 13 | Филиппин | 3 | 2 | 7 | 12 |
| 15 | Узбекистан | 3 | - | 6 | 9 |
| 16 | Пакистан | 2 | 4 | 4 | 10 |
| 17 | Ливан | 2 | 3 | 3 | 8 |
| 18 | Лаос | 2 | 2 | 8 | 12 |
| 18 | Катар | 2 | 2 | 8 | 12 |
| 20 | Энэтхэг | 2 | 1 | 7 | 10 |
| 21 | Сингапур | 2 | - | 2 | 4 |
| 22 | Кувейт | 1 | 4 | 6 | 11 |
| 23 | Туркменистан | 1 | 3 | 7 | 11 |
| 24 | Сири | 1 | 1 | 6 | 8 |
| 25 | Тажикистан | 1 | - | 2 | 3 |
| 26 | Бруней | 1 | - | - | 1 |
| 27 | Малайз | - | 8 | 8 | 16 |
| 28 | Кыргызстан | - | 3 | 3 | 6 |
| 29 | Ирак | - | 2 | 3 | 5 |
| 30 | Афганистан | - | 2 | 2 | 4 |
| 31 | Мьянмар | - | 1 | 2 | 3 |
| 32 | Макао | - | 1 | - | 1 |
| 32 | Оман | - | 1 | - | 1 |
| 32 | Йемен | - | 1 | - | 1 |
| 35 | Шри Ланка | - | - | 2 | 2 |
| 36 | Камбож | - | - | 1 | 1 |
| 36 | Йордан | - | - | 1 | 1 |
| 36 | Непал | - | - | 1 | 1 |
