"Shanghai 1993" Зүүн Азийн I наадам
Зүүн Азийн наадам
Азийн олимпын зөвлөлөөс санаачлан Азийн наадмыг зохион байгуулж эхэлсний дараа бүс нутгийн хэмжээний наадам зохиох санаачилга гарах болов. Улмаар 1959 оноос Зүүн Өмнөд Азийн наадам, 1984 оноос Өмнөд Азийн наадам зохиогдож эхлэв. Харин энэ тивийн спортын хүчирхэг гүрнүүдийг багтаасан зүүн бүс өөрсдийн наадмыг зохиолгүй удтал явсны эцэст 1993 онд анхны наадмаа хийжээ.
"Шанхай 1993" Зүүн Азийн I наадам
Анхны наадмыг БНХАУ-ын хамгийн их хүн амтай хот Шанхайд явуулсан. Шанхай хот наадамтай зэрэгцүүлэн спортын гэрэл зураг, уран зураг, маркны олон улсын үзэсгэлэн зохион байгуулсан юм.
Тус бүсэд багтдаг найман ҮОХ-ны (БНХАУ, БНСУ, БНАСАУ, Япон, Тайвань, Хонконг, Макао, Монгол) 1021 тамирчин спортын 12 төрөлд 170 багц медалийн төлөө өрсөлдсөн байна. Наадмын хөтөлбөрт хөнгөн атлетик, бадминтон, сагсан бөмбөг, боулинг, бокс, хөлбөмбөг, гимнастик, жүдо, сэлүүрт завь, усанд сэлэлт, хүндийг өргөлт, ү-шү зэрэг төрөл багтжээ.
Зохион байгуулагч БНХАУ нийт алтын бараг 2/3-г хамж, багийн дүнгээр хол тасархай өнгөллөө. Монголчууд уг наадамд нэг мөнгө, 16 хүрэл медаль хүртсэн амжилтаар 7-р байрт бичигдсэн юм.
Медаль хүртсэн орнууд
| № | Улс | Алт | Мөнгө | Хүрэл | Нийт |
| 1 | БНХАУ | 105 | 74 | 34 | 213 |
| 2 | Япон | 25 | 37 | 55 | 117 |
| 3 | БНСУ | 23 | 28 | 40 | 91 |
| 4 | БНАСАУ | 10 | 20 | 24 | 54 |
| 5 | Тайвань | 6 | 5 | 19 | 30 |
| 6 | Хонконг | 1 | 2 | 8 | 11 |
| 7 | Монгол | - | 1 | 16 | 17 |
| 8 | Макао | - | - | 1 | 1 |
Монголын багийн медальтнууд
| № | Нэрс | Төрөл | Ангилал | Хүйс | Амжилт |
| 1 | Д.Доржбат | жүдо | 78 кг | эр | мөнгө |
| 2 | Дашдэндэв Махашири | хөнгөн атлетик | зээрэнцэг шидэлт | эр | хүрэл 49.72м |
| 3 | М.Д | жүдо | 60 кг | эр | хүрэл |
| 4 | Т.Т | жүдо | 86 кг | эр | хүрэл |
| 5 | Түмэн-Одын Баттөгс | жүдо | 95 кг | эр | хүрэл |
| 6 | Б.Бадмаанямбуу | жүдо | +95 кг | эр | хүрэл |
| 7 | О.Балжинням | жүдо | нээлттэй | эр | хүрэл |
| 8 | С.О | жүдо | 61 кг | эм | хүрэл |
| 9 | Самбуу Дашдулам | жүдо | 72 кг | эм | хүрэл |
| 10 | хүрэл | ||||
| 11 | хүрэл | ||||
| 12 | хүрэл | ||||
| 13 | хүрэл | ||||
| 14 | хүрэл | ||||
| 15 | хүрэл | ||||
| 16 | хүрэл | ||||
| 17 | хүрэл |
