"Macau 2005" Зүүн Азийн IV наадам
Зүүн Азийн IV наадам БНХАУ-ын тусгай захиргааны бүс Макаод боллоо. Наадамд тус бүс нутагт харъяалагддаг есөн ҮОХ бүгд оролцов. Нэг хэсэг Төв Азийн наадам, Зүүн Азийн наадам аль алинд нь оролцож ирсэн Казахстан энэ үеэс хойш зөвхөн Төв Азийн наадамдаа оролцох болжээ.
Тамирчид спортын 17 төрөлд 233 багц медалийн төлөө өрсөлдсөн бөгөөд спортын төрлүүдийн 11 нь олимпын төрөл байв. Бүжгийн спорт, луут завь, зүлэгний хоккей наадмын хөтөлбөрт шинээр багтжээ.
Нийлбэр дүнгээр уламжлал ёсоор БНХАУ өнгөлсөн бол зохион байгуулагч Макао 11 алттайгаар тавд жагсаж, түүхэн дэх хамгийн өндөр амжилтаа үзүүлэв.
Монголчууд тус наадамд спортын 11 төрөлд 130 тамирчны бүрэлдэхүүнтэй оролцож, 1 алт, 1 мөнгө, 6 хүрэл медаль хүртсэн амжилтаар наймд бичигдсэн юм.
Мэргэн бууч Ц.Мөнхзул Монголын багийн ганц алтыг авчирсан бол буудлагын нөгөө тамирчин О.Гүндэгмаа мөнгөн медалийн эзэн болсон.
Түүнчлэн мэргэн бууч З.Батхуяг, хүндийг өргөлтийн Н.Баярмаа болон ү-шүгийн Д.Мөнх-Уяа, Ө.Саруул-Од, Э.Буянбат, М.Батжаргал нар хүрэл медаль хүртсэн юм.
Медаль авсан орнууд
| № | Улс | Алт | Мөнгө | Хүрэл | Нийт |
| 1 | БНХАУ | 127 | 63 | 33 | 223 |
| 2 | Япон | 46 | 56 | 77 | 179 |
| 3 | БНСУ | 32 | 48 | 65 | 145 |
| 4 | Тайвань | 12 | 34 | 26 | 72 |
| 5 | Макао | 11 | 16 | 17 | 44 |
| 6 | БНАСАУ | 6 | 10 | 20 | 36 |
| 7 | Хонконг | 2 | 2 | 9 | 13 |
| 8 | Монгол | 1 | 1 | 6 | 8 |
| 9 | Гуам | - | - | 1 | 1 |
Монголын багийн медальтнууд
| № | Нэрс | Төрөл | Ангилал | Амжилт |
| 1 | Ц.Мөнхзул | буудлага | алт | |
| 2 | О.Гүндэгмаа | буудлага | мөнгө | |
| 3 | Н.Баярмаа | хүндийг өргөлт | 58 кг | хүрэл |
| 4 | хүрэл | |||
| 5 | хүрэл | |||
| 6 | хүрэл | |||
| 7 | хүрэл | |||
| 8 | хүрэл |
