"Buenos Aires 2018" Залуучуудын III олимпын наадам
Аргентин улсын нийслэл Буэнос-Айрес хотноо 2018 оны аравдугаар сарын 6-18-ны өдрүүдэд залуучуудын III олимпын наадам зохиогдов. Энэ удаагийн наадамд 206 ҮОХ-ны 4,000 гаруй тамирчин 32 спортын төрлөөр 241 багц медалийн төлөө өрсөлдөв. Косово, Өмнөд Судан улс залуучуудын олимпод анх удаа оролцсон байна.
Аргентинчууд санал асуулгад Колумбын Меделинийг 49:39-өөр илүүрхжээ. Тамирчид 32 спортын төрөлд өрсөлдсөн нь шинэ дээд амжилт бөгөөд картингийн уралдаан, морин поло, сквош зэрэг спорт үзүүлэх хөтөлбөрөөр оров.
Багийн дүнгээр ОХУ тэргүүлж, БНХАУ удаалсан бол зохион байгуулагч Аргентин 11 алт, нийт 26 медальтайгаар зургадугаар байрт жагссан байна.
Медаль авсан орнууд
№ | Улс | Алт | Мөнгө | Хүрэл | Нийт |
1 | ОХУ | 29 | 18 | 12 | 59 |
2 | БНХАУ | 18 | 9 | 9 | 36 |
3 | Япон | 15 | 12 | 12 | 39 |
Холимог баг | 13 | 13 | 13 | 39 | |
4 | Унгар | 12 | 7 | 5 | 24 |
5 | Итали | 11 | 10 | 13 | 34 |
67 | Монгол | - | 2 | 1 | 3 |
Монголчууд Буэнос-Айресийн олимпод
Монголчууд тус олимпод МҮОХ-ны Гүйцэтгэх зөвлөлийн гишүүн Ч.Амарсанаагийн удирдлага дор чөлөөт бөх, буудлага, хүндийг өргөлт, жүдо, таеквондо, 3х3 сагсан бөмбөгийн төрөлд 11 тамирчинтай оролцож, 2 мөнгө, 1 хүрэл, олон улсын холимог багийн төрлөөр 1 алтан медаль хүртэв.
Медаль хүртсэн тамирчид
Жүдо бөхийн төрлөөр Л.Сосорбарам, Г.Тэмжүүин нар мөнгөн медаль авсан бол чөлөөтийн Т.Оюун-Эрдэнэ хүрэл медалийн эзэн болов. Мөн буудлагын тамирчин Э.Энхмаа холимог багийн төрөлд Унгарын тамирчин З.Пеклертэй нэг баг болон өрсөлдөж, алтан медаль хүртсэн юм.
Түүнчлэн таеквондоч П.Тэмүүжин тав, чөлөөтийн Б.Энхзул дөрөвдүгээр байр тус тус эзэлжээ.
Монгол тамирчдын амжилт
№ | Нэрс | Хүйс | Төрөл | Ангилал | Амжилт |
1 | Лхагвасүрэнгийн Сосорбарам | эмэгтэй | жүдо | 52 кг | мөнгөн медаль |
2 | Ганбүргэдийн Тэмүүжин | эрэгтэй | жүдо | 55 кг | мөнгөн медаль |
холимог баг | 5-р байр | ||||
3 | Тамирын Оюун-Эрдэнэ | эрэгтэй | чөлөөт бөх | 65 кг | хүрэл медаль |
4 | Батбаатарын Энхзул | эмэгтэй | чөлөөт бөх | 43 кг | 4-р байр |
5 | Эрдэнэчулууны Энхмаа | эмэгтэй | буудлага | 10м хийн урт буу | алтан медаль |
6 | Ганцолмоны Ган-Эрдэнэ | эрэгтэй | сагсан бөмбөг | 3*3 | 17-р байр |
7 | Чулуунбаатарын Ихбаяр | эрэгтэй | сагсан бөмбөг | 3*3 | |
8 | Мягмарсүрэнгийн Өлзий-Орших | эрэгтэй | сагсан бөмбөг | 3*3 | |
9 | Батсайханы Алтангэрэл | эрэгтэй | сагсан бөмбөг | 3*3 | |
10 | Гомбосүрэнгийн Энэрэл | эмэгтэй | хүндийн өргөлт | 6-р байр 179 кг | |
11 | Пүрэвжалын Дүүрэнжаргал | эрэгтэй | таеквондо | 48 кг | 5-р байр |