Б.САРУУЛ, Х.ДӨЛГӨӨНСАЙХАН НАР АВАРГЫН ТӨЛӨӨ ТОГЛОХООР ШАЛГАРЛАА
“Улаанбаатар-2023” Зүүн Азийн залуучуудын наадмын боксын тэмцээний хагас шигшээ тоглолтууд Бөхийн өргөөнд үргэлжилж байна.
Өнөөдөр Монголын дөрвөн боксчин тулалдах бөгөөд хамгийн түрүүнд залуучуудын улсын аварга, насанд хүрэгчдийн УАШТ-ий мөнгөн медальт Б.Саруул рингэнд гарсан юм.
Эмэгтэйчүүдийн 50 кг-д тоглож буй тэрбээр өрсөлдөгч Тайванийн тамирчныг шүүгчийн саналаар ялснаар финалд шалгарч, алтан медалийн төлөө тулалдах эрхтэй болов.
Түүнчлэн эрэгтэйчүүдийн 51 кг-д Х.Дөлгөөнсайхан өрсөлдөгч БНСУ-ын тамирчныг хүнд тулааны эцэст 3:2-оор ялж, шигшээд шалгараад байна.
Манай боксчид маргааш аваргын алтан медалийн төлөө тулалдах болно.
Одоо эрэгтэйчүүдийн 57 кг-д Э.Мөнх-Эрдэнэ 16:30 цагаас, 63.5 кг-ын Ү.Баасандаш 16:45 цагаас хагас шигшээгийн тулаанаа хийнэ.
Баг тамирчдадаа амжилт хүсье!
МҮОХ-ны албан ёсны түнш
