ХОЛИМОГ ТРИАТЛОНЧИД ЗАМАА ДУУСГАВ

НҮҮР ХУУДАС / Мэдээ

“Ханжоу 2022” Азийн Наадмын триатлоны холимог багийн тэмцээн өнөөдөр өрнөлөө. Уралдаанд нийт 12 улсын 48 тамирчин буухиа уралдаанд хурд сорьлоо. Монгол улсаас Г.Амарсанаа, Г.Ганцэцэг, Ч.Гансүх, О.Эрдэнэзул нар төлөөлөн оролцож, 2:12:34 цагаар замаа дуусгалаа.

Холимог багийн төрөлд Японы баг алтан медаль, БНХАУ мөнгө, Хонконг Хятадын баг хүрлийн эзэд боллоо.

Энэ удаагийн Азийн наадамд манай улсаас таван тамирчин триатлоны төрөлд оролцож байгаагаас Ч.Гансүх 2002 онд анхлан Азийн наадамд усанд сэлэлтээр өрсөлдсөнөөс хойш 5 дахь тивийн олимпод ур чадвараа сорьж байна.

Гэрэл зургийг: Д.Нямбилэг
Монголын спортын сэтгүүлчдийн холбоо