“МОНГОЛ УЯАЧ-2022” ЦУВРАЛ ТЭМЦЭЭН ҮРГЭЛЖИЛЖ БАЙНА

НҮҮР ХУУДАС / Мэдээ

Монголын морин спорт, уяачдын холбооноос “Их хурд-9” уралдааныг угтан “Монгол уяач-2022” зөвлөгөөн, спортын наадмыг зохион байгуулж байна. Спортын цуврал арга хэмжээний эхнийх болох бильярдын тэмцээн дөрөвдүгээр сарын 22-нд болж, 24 баг оролцов. Бильярдын тэмцээний хосын төрөлд Завхан аймгийн баг түрүүлсэн бол ганцаарчилсан төрөлд “Журамт хүлэг” багийн уяач Э.Ганхөлөг түрүүлэв.

Харин спортын наадмын сагсан бөмбөгийн тэмцээн 25-ны өдөр Спортын төв ордонд эхэллээ. Тэмцээний нээлтийн ёслолд МҮОХ-ны дэд ерөнхийлөгч О.Одбаяр оролцов.

Тус тэмцээнд 21 аймгийн салбар холбоод, галууд болон Монголын спортын сэтгүүлчдийн холбооны төлөөлөл нийт 32 баг өрсөлдөж байна. Тэмцээн гурав хоног үргэлжлээд маргааш өндөрлөх юм.