ЭРЭГТЭЙ ВОЛЕЙБОЛЧИД ӨНӨӨДӨР ХҮРЭЛ МЕДАЛИЙН ТӨЛӨӨ ТОГЛОНО

НҮҮР ХУУДАС / Мэдээ

Зүүн Азийн залуучуудын наадмын волейболын тэмцээн өнөөдөр өндөрлөж байна. Тэмцээний сүүлийн өдөр Монголын эрэгтэй баг хүрэл медаль хүртэх эсэхийг шийдэх чухал тоглолтыг Хятадын Тайпэйгийн эсрэг хийнэ.

17:00 цагаас эхлэх энэ тоглолтод хожиж байж хүрэл медаль дээр буух юм. Манай залуус өмнө нь БНХАУ болон Хятадын Хонконгод хожигдож, өчигдөр Хятадын Макаог 3:0-ээр буулгаж аваад байгаа билээ.

Эмэгтэй багуудын тухайд тэмцээн өндөрлөөд буй. Манай баг БНХАУ-д хожигдож, Хятадын Хонконгийг 3:0-ээр буулгаж авснаар Зүүн Азийн залуучуудын наадмаас мөнгөн медаль хүртсэн юм.

Медалийн төлөө өрсөлдөх волейболчиддоо амжилт хүсье!

МҮОХ-ны Албан ёсны түнш Coca-Cola Mongolia