МҮОХ - МИАТ ТӨХК-ТАЙ ХАМТРАН АЖИЛЛАХ САНАМЖ БИЧИГ БАЙГУУЛАВ
Үндэсний агаарын тээвэрлэгч МИАТ ТӨХК нь нийгмийн хариуцлагын хүрээнд тив, дэлхийн томоохон тэмцээн уралдаануудад Монгол Улсын тамирчдаа дэмжин ажилладаг. Харин энэхүү санамж бичгийг байгуулснаар МҮОХ-ны албан ёсны түнш байгууллага болж, олимпын бэлгэдэл, логог ашиглах албан ёсны эрхтэй болох юм.
Мөн тив, бүс, олимпын наадам болон олимпын эрх олгох тэмцээнд оролцох Монголын баг тамирчдад хөнгөлөлттэй тарифаар үйлчлэх үүрэг хүлээж байна.
Хамтын ажиллагааны гэрээ Парисын олимпын мөчлөг дуустал буюу 2024 оны арванхоёрдугаар сарын 31-нийг хүртэл үргэлжилнэ.
