Н.Түвшинбаяр МNB, “MNB SPORT” СУВАГУУДТАЙ ХАМТРАН АЖИЛЛАХ ТАЛ ДЭЭР САНАЛ СОЛИЛЦЛОО

Өнөөдөр \/2020.09.03\/ МҮОХ хөл хөдөлгөөнтэй байлаа. Энэ өдөр Улаанбаатар спорт менежмент компани, МҮОХ-той хамтран ажиллах санамж бичигт гарын үсэг зурснаас гадна Ерөнхийлөгч Н.Түвшинбаяр МҮОНТВ, “MNB Sport” сувгийн удирдлагуудтай уулзаж, спорт олимпизмийн үзэл санааг олон нийтэд түгээн дэлгэрүүлэх тал дээр санал бодлоо солилцон хамтран ажиллахаар боллоо. Мөн энэ өдөр зуны олимпийн төрөл болох Монголын Триатлоны холбоо, Гимнастикийн холбоо өөрсдийн үйл ажиллагааг танилцууллаа. Түүнчлэн Монголын тэшүүрийн холбооны ерөнхийлөгч, ерөнхий нарийн бичгийн дарга, хоккей, кёрлингийн холбооны генсекүүдтэй уулзан хамтын ажиллагаагаа эрчимжүүллээ.\r\n"