3X3 САГСАН БӨМБӨГИЙН ОЛИМПЫН ЭРХИЙН ТӨЛӨӨХ ТЭМЦЭЭН ӨНӨӨДӨР ЭХЭЛНЭ

НҮҮР ХУУДАС / Мэдээ

Япон улсын Үцүномияа хотноо өнөөдөр эхлэх “Парис 2024” Олимпын эрх олгох 3х3 сагсан бөмбөгийн ээлжит тэмцээнд Монголын эрэгтэйчүүдийн шигшээ баг өрсөлдөх билээ.

Тэмцээнд өнгөрсөн оны 11-р сарын 1-ний байдлаар Олон улсын сагсан бөмбөгийн холбоо /FIBA/-ны чансаагаар эхний наймд бичигдсэн багууд, Дэлхийн аварга шалгаруулах тэмцээнд 2-8 дугаар байр эзэлсэн багууд оролцох бөгөөд эрэгтэй 8, эмэгтэй 8 баг Олимпын эрхийн төлөө ур чадвараа сорих юм.

ТЭМЦЭЭНД ОРОЛЦОХ БАГУУД

Эрэгтэй: Монгол, Египет, Пуэрто Рико, Латви, Литва, Япон, Франц, Бразил

Эмэгтэй: Кени, Бразил, Австрали, Нидерланд, Япон, Герман, Канад, Австри

Манай баг хэсгийн шатанд Франц, Япон, Египетийн багтай өрсөлдөх бөгөөд эхний тоглолтоо өнөөдөр 18:45 цагт Японы эсрэг тоглох хуваарьтай.

ХЭСГИЙН ТОГЛОЛТЫН ХУВААРЬ:

05-р сарын 03-ны өдрийн 18:45 цагт

Монгол vs Япон

05-р сарын 04-ны өдрийн 15:40 цагт

Монгол vs Франц

05-р сарын 04-ны өдрийн 19:10 цагт

Монгол vs Египет

БАГ ТАМИРЧДАД АМЖИЛТ ХҮСЬЕ!