Б.ХОНГОРЗУЛ ОЛИМП, ДЭЛХИЙН АВАРГАД ЯЛАГДЛАА
Залуу тамирчин Б.Хонгорзул хоёр дахь барилдаанаа олимп, дэлхийн аварга япон бөх Рисако Кавайтай хийлээ. Эхний үед манай бөх сайн хамгаалж, идэвхийн нэг оноо л алдсан. Харин хоёрдугаар үед Кавай Хонгорзулын хөлд орж хоёр хоёроор оноо түүсээр 7:0-ээр ялалт байгууллаа.
Хэрэв япон бөх финалд шалгарвал манай Хонгорзул дагаж барилдах эрхтэй болно. Тэрбээр хагас шигшээд олимпийн аварга америк бөх Х.Мароулистай барилдах юм. Олимпийн аваргуудын тулаан хэрхэн өрнөхөөс манай бөхийн цааш барилдах эсэх шалтгаалах болно.
