Э.БЭХБАЯР 5:1-ЭЭР ЯЛАГДАВ

НҮҮР ХУУДАС / Мэдээ

Гавьяат тамирчин Э.Бэхбаяр олимпийн дэвжээнд хийсэн хоёр дахь барилдаандаа Ираны бөх Резра Атрид 5:1-ээр ялагдлаа. Хоёрдугаар үеийн эхэн гэхэд хоёр тамирчин шүүгчээс заасан идэвхийн оноо л аваад байсан. Энэ үед иран бөх 2:1-ээр тэргүүлж байв. Нэгэнт хожигдож эхэлсэн манай бөх оноо авахаар дайраад дутуудаж ардаа алдсанаар нэмж хоёр оноо алдан байдал хэцүүдэж ирсэн. Улмаар төгсгөлд дэвжээнээс гарч нэг оноо алдсанаар эцсийн дүндээ 5:1-ээр дийлдэв.

Ингэснээр Бэхээ энэхүү иран бөхтэй дөрөв барилдаж, гурав ялагдсан үзүүлэлттэй болж байна. Одоо Ираны Атри финалд шалгарвал манай бөхөд дагаж барилдах боломж гарч ирнэ.